Siste laurdagen i juli den 25. vart det Ulla-fest som vanleg. Opphaldsver men noko surt og kaldt på dagtid og ikkje fritt for regn om kvelden, men det hindra ikkje at det vart nok ein vellykka fest. Om lag 150 var møtt opp med stort og smått, og vi kosa oss saman. Årets kulturinnslag var Ullahammaren, og så vart det ein del fokus på Ulla Skulehus. Tombola og tippekonkurranse gav ei inntekt på nesten 4000 kroner til skulen. Elles var det fotballkamp på Nye Ullavoll og besteskokasting som har blitt ein tradisjon. Så vart det grilling, song og musikk. Etter midnatt feira vi at Åsmund Ulla fylte 50 år. Dei siste gjekk til sengs i halv sju tida.

Foto:  Knut Hallvard Ulla, Simen Ulla og Bendik Ulla - 2009