Ulla-festen 2007 gjekk av stabelen siste laurdagen i juli, den 28.  Dårlege vermeldingar laga mykje bekymring for dei mange som hadde forventningar til ein like fin fest som vi har hatt dei siste åra.  Men festkomiteen hadde budd seg og fått tak i tre party-telt som vart sette opp på plassen ved sida av garasjen til Lars Ulla.  Dermed kunne vi samlast til grilling og sosialt samver om kvelden som planlagt.  Regn og vind prøvde å setje stopp for fotballkampane, men folk stilte opp til kamp likevel, og det såg ut til at dei hadde det bra i det ufyselege veret.  Lengdehopp på Ulla-sanden vart avlyst.  Tidlegare på dagen var det opplett, noko som førte til at vi kunne ha kulturelt innslag om skule og kulturliv i Ullahammar Amfi ved Hytta etter planen.  Om lag 100 personar hadde møtt fram for å høyre om kulturlivet på Ulla i gamle dagar.  Veggavisa hang på Hytta til langt ut på søndagen. Det var fint å sjå Hytta innpakka i så mykje lokalhistorisk stoff.

Foto:  Knut Hallvard Ulla, Johan Ulla og Bendik Ulla - 2007