Astrid Alme var dotter til Gurine og
Olavius Alme
frå Ulsteinvik. Gurine var frå Lars-garden
på Ulla,
og Olavius var tidlegare mellom anna lærar på
Ulla. Astrid
var lærar i to periodar på Ulla skule. Før
ho gjekk
lærarskulen, var ho på Ulla i eitt år
frå 1920
til 1921 berre 20 år gammal. Så fekk ho seg
lærarpost
på Slagnes i Vanylven til ho begynte på
lærarskulen i
Volda i 1925. Der gjekk ho i tre år, og etter endt
utdanning kom
ho tilbake til Ulla i 1928. Der var ho til 1933. Det var ikkje
så
lett å få seg lærarpost den tida, så
det var
bra for Astrid å kome tilbake til Ulla med slekt og
vener og
kjende tilhøve der som ny utdanna. Astrid budde i
Lars-garden
hos besteforeldra sine i begge periodane ho var lærar
på
Ulla.
Astrid vart ein svært sentral person
for
elevane på Ulla skule og folket på Ulla elles. Ho
var
særs gåverik, fagleg dyktig særleg innafor
norsk
språk. Ho sette store krav til at elevane skulle
lære seg
norsk grammatikk, noko som mange skulle få bruk for i
seinare
utdanning. Ho dreiv ein god skule. Astrid var flink til
å sy og
strikke, alt slag handarbeid, brodering og nuperelle. Dette
var ting
som jentene fekk lære i handarbeidstimane på
skulen,
nyttige ting når dei skulle stifte eigne familiar i
vaksen alder.
Handarbeidstimane, eller syskule som det vart kalla, var ein
viktig del
av undervisninga. Då sette lærarinna av ei heil
veke i
strekk
til handarbeid. Astrid reiste også rundt på dei
andre
skulane på øyane og dreiv syskule, til
dømes
på Åkre skule og Flem skule. På same
måten var
det med sløyd-undervisning for gutane.
Astrid var likevel mest kjend for sine
musikalske
evner. Ho spelte orgel og
piano, og vart seinare organist i kyrkja i Holmedal der ho
vart buande
etter at ho gifta seg. Og så spelte ho på
salmonikom, ei
kasse med ein streng. På skulen var song og musikk
innfletta i
all undervisning.
Tidlegare hadde lærarinne Ruth Sunde
starta
kor for vaksne på Ulla. Dette førte Astrid vidare
då
ho kom dit. Ho song inn alle fire stemmene i songkoret. Du kan
lese
meir om koret under eigen katalog.
Då Astrid flytta frå Ulla, kom
ho til
Holmedal i Sunnfjord og vart lærar der. Ho vart gift med
Steinar
Helle som starta eigen fabrikk, Sunnfjord bestikk. Dei fekk
tre barn.
Då Astrid var berre 62 år fekk ho leukemi
(blodkreft). Ho
døydde 64 år gammal i Holmedal.
|
|
Astrid f. Alme og
Steinar Helle
- 1933
Foto utlånt av Bjørg Seljeflot
|
Astrid Alme
Foto: J. Sponland
|
Kirsten Svendsen og
Astrid Alme
på lærarskulen i
Volda - 1927
Foto utlånt av Bjørg Seljeflot
