Modell av Ulla-nausta - 1880

    Denne modellen av naustrekkja med tilhøyrande saltebuder laga eg i 1975.  Eit viktig grunnlag for modellen var utskiftingskartet for Ulla frå 1878.  Sjå kopi av utskiftingskartet nedanfor.  I tillegg fekk eg viktige opplysningar frå onkelen min, Sevrin G. Ulla.  Han hadde friskt i minne både Lars-naustet som no er borte og mange av saltebudene som stod der.  Han fortalde mellom anna at saltebuda til Lars-garden som stod heilt i utkanten av området, nr. 15, vart teken av ein storstorm i 1902.  Dette vart fortalt av bestefaren hans, Sevrin Guttormson Ulla.