BYGNINGA
Gamlestova er det eldste huset på Ulla. Eg er ikkje sikker på
kva tid huset vart bygt, men det var truleg i perioden
1800-1830. I alle fall har eg opplysningar om Gamlestova frå
1830-talet. Dette var storheitstida for handelsmennene på
Ullahammaren, særleg Løeg-familien og Svendsen-familien. Sjå
fotoalbum nedanfor. Gamlestova er stort sett undra så lenge eg
kjenner til. Den største forandringa gjeld trappa som
tidlegare gjekk på nordsida og ned mot sjøen slik det er vist
i Per Ulla sin modell frå 1880. På denne måten var det kort og
lettvint tilgang til sjøbudene ved strandkanten, mellom anna
Gamlesjøbuda (Elias-buda).
Opphavleg var Gamlestova eigd av ein
familie, men då huset vart seld i 1894, vart det delt i to:
Krogs-stova mot aust og Kristoffer-stova mot vest.
Formelt
kjøp av Kristoffer-stova var 16. desember 1893 med
betalingsfrist 14. april 1894. Kjøpesummen var kr 625 for
heile Gamlestova, det vil seie Krogs og Kristoffer til
saman.
"Huset tiltredes i den stand som det nu er. I
handelen medfølger et grisehus, et lokum, vei til
vandbrønden, fri landingsplads og ophav av hvad som
behøves. Det må ikke drives handel i eller fra huset uden
eierens samtykke.
Aalesund.
d. 16. des. 1893
Peter Meldahl sign."
Fotoalbum Gamlestova.
Lenke
SLEKTSTRE - LØEG-SLEKTA
| Slektstre for Jacob
Andreas Methlie (1879-1886) |
SLEKTSBOK - LØEG-SLEKTA
Andreas Hansson Løeg
(1755-1830)
Valderøy
Gift i 1789 med Johanne Helene
Løeg f. Brandal (1766-1848) frå
Brandal på Hareid
Barn:
1.
|
Jens Andreasson Løeg
(1790-1790) som døydde berre 4 månader gammal
|
2.
|
Hans Andreas Andreasson Løeg (1792-1796)
som døydde berre fire og eit halvt år gammal
|
3.
|
Ingebrigt Andreasson Løeg (1793-1862)
|
4.
|
Hans Andreas Andreasson Løeg (1798-1798)
som døydde eit halvt år gammal
|
5.
|
Maren Sophie Methlie (1802-1842) frå
Valderøy. Maren vart gift med Jacob Erikson Methlie frå
Bergen. Maren døydde i Bergen berre 40 år gammal. Maren
og Jacob Erikson hadde ei dotter, Johanne Henrikke
(1837- ). Ho var gift Devold i Ålesund.
Jacob Erikson gifte seg opp att med Antonette Lorentze
Methlie. Dei budde i Bergen og fekk ein son som heitte
Joachim Holtermann Methlie (1846-1910). Joachim var gift
med Sophie Løeg (1847-1928)
|
6.
|
Andreas Andreasson Løeg (1804-1882)
|
Andreas Andreasson
Løeg (1804-1882)
Valderøy
Gift med Anne Bagge Løeg f.
Mechlenburg (1813-1899)
Barn:
1.
|
Hans Hendrik
Andreasson Løeg (1838-1865) som døydde 27 år gammal
|
2.
|
Johan Herman Andreasson Løeg
(1839-1927)
|
3.
|
Sevrin Johan Andreasson Løeg
(1842-1902)
|
4.
|
Sophie Andreasdt. Methlie f. Løeg
(1846-1928)
|
Hans Hendrik
Andreasson Løeg (1838-1865)
Valderøy
Hans Hendrik var ugift
SLEKTSBOK - KROGS-STOVA
Ole Gunderson
Ullahammer f. Krogsæter (1856-1936)
Ole var frå Krogsætra på Vatne.
Han reiste truleg ut til øyane og tok seg arbeid med fiske
på Ulla. Der møtte han kona si Kristine Petrine Hansdt.Ulla
frå Sjur-garden. Dei flytte først til Buholmen i Ålesund der
Ole dreiv fiske. I 1893 gjekk Ole saman med Kristoffer
Longva og kjøpte Gamlestova på Ullahammaren av Peter Meldahl
i Ålesund. Sjå kommentar nedanfor under Kristoffer-stova.
Ole og Kristine (frå Sjur-garden) kjøpte den austre delen av
Gamlestova som vart kalla Krogs-stova, og Kristoffer og
Kristine (frå Mali-garden) kjøpte den vestre delen som vart
kalla Kristoffer-stova. Frå gammalt var loftet ikkje delt
opp i to men vart nytta felles for dei to familiane.
Gift i 1891 med Kristine
Petrine Hansdt.Ulla (1865-1943) frå Sjur-garden på Ulla
Barn:
1.
|
Helga Olsdt. Ullahammer
(1892-1965) som tok over Krogs-stova. Helga var ikkje
gift. Ho vart telefondame på i Gamlestova på
Ullahammaren. Det er usikkert kor lenge Helga var
telefondame, men det var i alle fall lenge før 1940 at
telefonen var flytta ned til Kari-stova på Ullahammaren.
Då Helga etter kvart vart plaga med dårleg helse, fekk
ho flytte inn i Bertebu (Hytta) på Ullahammaren. Der
budde ho til ho fekk plass på Kvileheimen på Longva. Ho
døydde på Longva i 1965.
|
2.
|
Ole Elias Ullahammer
(1904-2001). Ole Elias vart fødd utanfor ekteskap på
Flemsøy. Kristine og Ole adopterte han og fostra han opp
i Krogs-stova. Derfor vart Ole Elias også kalla
Krogs-Ole. Ole Elias vart gift med Antonette Johansdt.
Ulla (1907-1998) frå Mette-garden på Ulla. Dei gifta seg
i 1932 og tok over og dreiv Mette-garden på Ulla.
|
Herdis Johansdt.
Rosell f. Ulla (1926-2016)
Herdis tok over Krogs-stova etter
at Helga Ullahammer (Krogs-Helga) døydde i 1965. Herdis var
slekt med Helga på den måten at mor til Helga, Kristine
Hansdt. Ulla var søster til Petter Hansson Ulla i
Sjur-garden. Far til Herdis var Johan Petterson Ulla som var
søskenbarn til Krogs-Helga. Ho hadde ikkje etterkomarar, men
Ole Elias Ullahamar (Krogs-Ole), seinare Mette-Ole var
fosterbarn i Krogs-stova.
Gift første gong i 1948 med
Olav Nøstvold Jensen frå Ålesund
Barn:
1.
|
Christina Nøstvold Jensen
(1951). Christina gift første gong i 1970 med Joachim
Steiner frå Tyskland. Gift andre gong i 1974 med Jim
White frå USA. Det var ingen barn i ekteskapa. Dei var
seinare skilde. Christina vart kjæraste frå 2000 med
Momy Sibony som er jøde.
|
Herdis vart gift andre gong i
1955 med Axel Fredrik (Gugge) Rosell frå Sverige
Herdis
og Olav Nøstvold flytta til Sverige og dei fekk dottera
Christina i 1951. Herdis og Olav vart skilde medan dei
budde i Sverige, og Herdis gifte seg med Axel Rosell. Då
dei vart pensjonistar, flytta dei til Marbella i Spania.
Det var i 1974. Christina vart med til Marbella, og ho
bur der framleis.
Trine Ingebjørg Ulla (1961) og Ole-Jacob
Velle
Herdis
var tante til Trine. Far til Trine heitte Egil Ulla og
var bror til Herdis. Trine og Ole-Jacob bur på
Blommenholm i Oslo. Dei brukar Krogs-stova som feriehus.
Trine og Ole Jacob tok over Krogs-stova etter Herdis
Rosell i 1999.
Trine og Ole-Jacob er gift
Barn:
1.
|
Frida Kristin Ulla
(1996
|
2.
|
Ingebjørg Ulla (1998)
|
SLEKTSBOK - KRISTOFFER-STOVA
Kristoffer Jonson
Ullahammer f. Longvanes (1849-1922)
Kristoffer var frå Longva.
Foreldra til Kristoffer var Jon Larsson Longvanes
(1810-1854) og Tomasine Pedersdt. Longvanes f. Aakre
(1817-1892). Kristine og Kristoffer gifte seg i Haram Kyrkje
19. juni 1881. Som nygifte fekk dei seg arbeid på
Myre-garden på Hildre. Dei fekk 6 barn. Det er usikkert kva
som skjedde den siste tida dei budde på Hildre, men truleg
var det sjukdom som gjorde at familien ikkje kunne halde
fram og arbeide på garden på Myre. I 1892 fekk Kristoffer
høve til å kjøpe Gamlestova på Ullahammaren saman med Ole G.
Krogsæter frå Vatne. På den måten fekk dei lettare tilgang
til sjøen og høve til å drive fiske frå Ulla. Kristine
døydde 21. februar 1893 på Ulla. Då var yngste jenta,
Kristine, berre to månader gammal. Vi veit ikkje noko om
dødsårsaka. Om lag samtidig kjøpte dei eine delen av
Gamlestova, som vart kalla Kristoffer-stova. Kristoffer
vart etter kvart plaga med dårleg helse, og Thea fekk
oppgåva med å stelle faren dei siste åra på Ulla. Kristoffer
døydde i 1922, men dødsbuet vart ikkje gjort opp med formell
overtaking. Johan var eldste arving, og broren, Hjalmar,
hadde alt reist til Amerika slik mange frå Norge gjorde den
tida. Det var tronge kår og vanskeleg å greie seg økonomisk.
Då Kristoffer døydde, kom Hjalmar heim frå Amerika og henta
Thea med seg til Amerika. Thea fann seg godt til rette der
og gifte seg med ein Amerikanar som heitte Welde. Thea
døydde der 1.10.1986, 97 år gammal.
Gift i 1881 med Kristine
Bertine Kristensdt. Ullahammer f. Ulla (1853-1893) frå
Mali-garden på Ulla
Barn:
1.
|
Johan Kristian
Krisofferson Ullahammer (1881-1957). Johan var
ugift. Han var fiskar og arbeidde også på Myre-garden på
Hildre då han var ung. Etter at faren døydde, flytta
Johan til Ulla der han var postmann.
|
2.
|
Hjalmar Henning Kristofferson Ullahammer
(1883- ). Hjalmar reiste til Amerika som ung.
|
3.
|
Laurits Gustav Kristofferson Ullahammer
(1885-1968). Laurits tok over Kristoffer-stova etter at
Johan (Myre) døydde
|
4.
|
Hans Theodor Kristofferson Ullahammer
(1887-1904). Døydde av magesykje berre 17 år gammal
|
5.
|
Thea Kristofferdt. Welde f. Ullahammer
(1889-1986). Thea reiste til Amerika etter at faren
døydde i 1922.
|
6.
|
Kristine Kristofferdt. Ullahammer
(1892-1908). Døydde berre 16 år gammal
|
Johan Kristofferson
Ullahammer (1881-1957) tok over Kristoffer-stova
Det var
ingen som rekna med at Thea skulle kome att til Ulla etter
at ho blei med broren Hjalmar til Amerika. Thea vart som
nemnt gift i Amerika, og ho kom ikkje heim att til Norge.
Johan vart postmann på Ulla etter at Kristoffer døydde. Johan var ugift. Han vart berre
kalla Myre fordi han var i teneste på Myre-garden på
Hildre då han var ung. Myre budde åleine og han
var den siste fastbuande personen i Kristoffer-stova
på Ulla. Etter
at Myre vart gammal og slutta som postmann, tok Justav
Vebjørn Ulla over postkontoret på Ulla i Kari-stova.
I tillegg til kjøpekontrakten frå 1893 var der eit
skyldskifte frå 1910 som dokumenterte kven som eigde
Kristoffer-stova. Det vart rekna som mest praktisk å ordne
eigedomstilhøvet i samband med skiftet etter Myre i 1957.
Laurits Gustav
Kristofferson Longva (1885-1968) tok over Kristoffer-stova
Laurits tok over Kristoffer-stova etter at
Johan (Myre) døydde. Hjalmar hadde flytta til Amerika
saman med søstra Thea, og Laurits tok tak i
formalitetar som ikkje var rydda opp i, mellom anna
eigedomsforhold og skøyte på Kristoffer-stova. Då
Laurits var heilt ung, fatta han interesse for
motorar. Han fekk kome til Finnøya og gjekk i
motorlære der hos Finnøy-Nils. Då han var ferdig på
Finnøya, tok han seg arbeid på Lepsøy. Laurits og kona
Kristine tok over kaia og sjøbuda på Kjerstad i 1907.
Han bygde nytt hus på murane som stod att etter Petter
N. Farstad hadde teke med seg huset til Budagarden på
Farstad. Laurits hadde smie i kjellaren på Kjerstad.
Då han av ein eller annan grunn vart nekta å utvide
verksemda med slipp, valde han å flytte fra Lepsøya.
Det var etter at sonen Hjalmar vart fødd på Lepsøya i
1919. Laurits reiste då til
Fjørtofta der kona hans, Kristine Knutsdt.
Fjørtoft, var frå. Laurits fekk seg arbeid i
Stongja på Fjørtoft der bror til Kristine,
Martinus, hadde ein slipp. To barn, Magni og
Karstein, vart fødd der. Ved ei
tilfeldigheit vart Laurits med ei kolskute
som for til Haugsbygda. Til Haugsbygda kom
familien søndag 1. mars 1925. Då hadde dei
8 barn. Siste mann, Oddvar vart fødd i
Haugsbygda.
I Haugsbygda grunnla Laurits Longva mekaniske
verkstad. Slik gjekk det til at
Laurits og Kristine slo seg ned i Haugsbygda. Då Myre døydde i 1957, reiste Laurits til
Ulla og sette i stand Kristoffer-stova. Myre hadde
ikkje barn, og det var berre Laurits som var att og
kunne ta over huset på Ullahammaren. Då vart det
bestemt at Klara Longva, dotter til Laurits og
Kristine, skulle ta over på Ulla. Klara var ikkje
gift.
Barn:
1.
|
Konrad Longva (1909- )
|
2.
|
Inga Klara Gjerde f. Longva (1911- )
|
3.
|
Kjartan Longva (1913- )
|
4.
|
Klara Solveig Longva (1918-2006) som tok
over Kristoffer-stova
|
5.
|
Leif Karsten Longva (1917- )
|
6.
|
Hjalmar Longva (1919- )
|
7.
|
Magny Hauge f. Longva (1922- )
|
8.
|
Karsten Longva (1924- )
|
9.
|
Oddvar Palmar Longva (1929- )
|
Klara Solveig Longva (1918-2006) tok over
Kristoffer-stova
Klara var ugift. Ho var fødd i
Haugsbygda og Laurits og Kristine Longva bestemte at
Klara skulle få ta over Kristoffer-stova på
Ullahammaren. Klara brukte huset til feriebustad. I ei
periode på 1960- og 1970-talet vart huset leigd ut til
arbeidsfolk frå Høyer Ellefsen som bygde Ullasundbrua
(ferdig i 1970). Det kan nemnast at det var ein
pipebrann medan huset var utleigd. Brannen vart sløkt.
Etter at Ullabrua var ferdig vart Kristoffer-stova leigd
ut til Karl Ståle Ulla og kona Åse. Dei flytta seinare
til Vartdal.
Kirsti og Gerhard Hauge (1949) tok over
Kristoffer-stova
Kirsti og Gerhard Hauge tok over
Kristoffer-stova på 1980-talet. Dei bur i Gurskebotn.
Dei brukar huset til feriebustad. Klara Longva var tante
til Kirsti som er dotter til Hjalmar og Gudrun Longva i
Haugsbygda.
Gå til
toppen
