Her er Godøy-huset
om lag 1925. F.v. ser vi Rasmus Godøy, Ragnhild, Åsta,
Senta, Klara og kona Anna.Vi ser eit nybygd hus med løa
bakom. Til høgre i bakgrunnen ser vi påbegynte murar til
huset til Jo-Karl. Eigar no: Birger Tomren. Eigedommen til
Rasmus og Anna strekte seg fra fjell til fjøre. Rasmus var
lærar både på Åkre Skule og Ulla Skule. I tillegg hadde
han småbruk og dreiv med kjøp og sal av fisk i stor stil
frå Godøy-buda
Etter at Rasmus og Anna
døydde i 1960 og 1964, vart Klara att åleine i Godøy-huset.
Klara var ugift. Huset vart etter kvart prega av manglande
vedlikehald. Klara budde i huset til ho døydde i 1980. Etter
den tid var det ingen som budde i huset lenger, og det vart
meir og meir forfall. Torleif Rogne fekk så kjøpt huset og
fekk frakta det til Støene på Skuløy/Flemsøy. Der sette han
det oppatt, men murane stod att på dei gamle tuftene. Bildet
ovanfor viser det restaurerte Godøy-huset, men dei praktfulle
kjellarmurane vart ikkje med til Støene.
Kristian Lønset - Ein kunstnar med stein.
Lenke
Les den omfattande og grundige historia om Kristian Lønset.
Skrive av Magne Kjerstad.
Eg kan tilføye at
Godøy-huset vart bygt av Kristian Lønset om lag i 1915. Dette
fell altså saman med tidspunktet då Kristian Lønset miste
livet i ei ulukke med sprenging av stein. Eg har opplysningar
frå onkel min, Ole Ullahamar, som hugsar Kristian som
ein dyktig murar. Men Ole Ullahamar fortalde at Kristian ofte
brukte korte lunter i sprengingsarbeidet, og det var i ei slik
ulukke Krisian miste livet i oktober 1915. Dette skjedde i
samband med bygging av Godøy-huset. Huset vart bygt ferdig
etter at Kristian døydde.
Nedanfor ser du restane av murane. Det
viser at Rasmus bygde på utbygg mot aust og trapper både mot
nord og sør. Butikken låg i påbygget mot aust, ned mot vegen.
Foto viser døropninga mot inngangen til butikken.
Foto: Knut Hallvard Ulla
