ULLA
ULLA
 |
Josefine Pedersdt. Ulla (1877-1963) og Nils Johanson Ulla (1875-1959) gifte i Haram kyrkjr 17.11.1899 Josefine var frå
Negard på Ulla. Nils var odelsgut i Kari-garden på
Ulla. Dei dreiv Kari-garden.
Josefine og Nils hadde to barn: Fridtjof og Peder |
 |
Olga Åkre f. Stokke (1910-2000) og Knut Peder Åkre (1906-1982) Olga var frå Stokke på
Ellingsøy. Ho var søster til Lina Ulla som var gift
med Jo-Andreas og tante til Signe Åkre som var gift
med Karl K. Åkre. Knut var frå Ullahammaren. Han dreiv
småfiske med "Trulsen" og han og Olga dreiv butikk i
Ullahammaren.
Olga og Knut har ein son: Per |
 |
Rebekka Rasmusdt. Ulla f. Aakre (1891-1982) og Karl Martinusson Ulla (1895-1956) gifte 11. september 1921 i Haram kyrkje Rebekka (Bekka) var
frå Elling-garden på Åkre. Karl var frå Jo-garden på
Ulla. Dei busette seg på Nordstranda på Haramsøy med
småbruk, fiskebåt og kjøp og sal av fisk.
Bekka og Jo-Karl har 3 barn: Borgny, Martin og Olga. |
 |
Kristi Karlsdt. Aakre f. Ulla (1882-1959) og Elias Rasmusson Aakre (1878-1965) gifte 1. oktober 1911 i Haram kyrkje Kristi var frå
Lars-garden på Ulla. Elias var odelsgut i
Elling-garden på Åkre. Dei dreiv Elling-garden.
Kristi og Elias hadde 6 barn: Rolv, Ingebjørg, Oline, Karl, Margit og Kirsti |
 |
Svanhild Åkre f. Årseth (1920-1971) og Harald Åkre (1910-1995) gifte 19. mai 1956 Svanhild var frå
Austefjorden i Volda. Harald var frå Ullahammaren.
Harald var fiskar på "Odin" og "Skarvaag". Dei bygde
seg hus på Nordstranda på Haramsøy. Etter at Svanhild
døydde, gifte Harald seg opp att med Dagny Bjørdal
(1911-2006) frå Volda. Dagny og Harald budde i Volda.
Svanhild og Harald har ei dotter: Kirsti |
 |
Ragna Ullahammer f. Håvik (1887-1956) og Petter Ingebrigtson Ullahammer (1879-1940) gifte i Ålesund Ragna var frå Ålesund
med slekt frå Håvik i Brattvåg. Petter var frå
Ingebrigtstova i Ullahammaren. Han var så liten at han
vart kalla Lillehammer. Han var bror til Kristine som
var gift med Edvard Verpeide. Ragna og Petter budde i
Ålesund. Petter var kontorist.
Dei hadde ein adoptivson: Karsten |
 |
Marie Johansdt. Gamlem f. Ulla (1879- ) og Iver Andreas Gamlem (1870-1933) gifte i Haram kyrkje 27.1.1903 Marie var frå
Kari-garden på Ulla. Iver var frå Gamlem. Han var
reiar og fiskeskipper, mellom anna på båten "Barden".
Marie og Iver budde på Gamlem og seinare i Ålesund.
Dei hadde eitt barn: Fridtjof som døydde i krybbedød. |
 |
Antonette Ullahamar f. Ulla (1907-1998) og Ole Ullahamar (1904-2001) gifte i Haram kyrkje 16.10.1932 Antonette var
odelsjente i Mette-garden. Ole voks opp i Gamlestova i
Ullahammaren. Han var fiskar til han og Anto tok over
Mette-garden.
Dei hadde 5 barn: Jostein, Kirsti, Ottar, Oddbjørg og Astrid |
 |
Sophie Methlie f. Løeg (1846-1928) og Joachim Holtermann Methlie (1846-1910) Sophie var dotter til
Andreas Løeg frå Valderøy. Ho var søster til Johan
Herman Løeg. Joachim var son til bakermeister Methlie
i Bergen. Han var handelsmann i Ullahammaren i
1870-åra. Dei budde i Gamlestova.
Dei hadde 2 barn: Jacob Andreas Methlie (1879-1886) og ein gut med ukjent namn som døydde ung. |
 |
Severine Olsdt. Ulla f. Haram (1896-1981) og Karl Ingvald Karlson Ulla (1887-1944) gifte i Haram kyrkje 10.10.1915 Severine var frå
Ole-garden på Haram. Karl Ingvald var odelsgut i
Lars-garden på Ulla. Dei dreiv Lars-garden i tillegg
til at Karl var fiskar. Karl omkom i åtaket på "Eira"
den 24.10.1944.
Dei hadde 8 barn: Ingebjørg, Kåre, Ola, Klara, Hallvard, Selma, Kristi og Oddny |
 |
Petra Pedersdt. Tomren f. Austnes (1917-1999) og Julius Andreasson Tomren (1902-1984) gifte i Haram kyrkje 12.7.1947 Petra var frå
Ola-garden på Austnes. Julius var frå Ullahammaren.
Dei bygde seg hus på Ola-garden på Austnes. Julius var
fiskar mellom anna på "Ullaholm".
Dei har 3 barn: Per Arne, Harald og Oddbjørn. |
 |
Laura Ullahammer f. Ulla (1892-1983) og Severin Ullahammer (1880-1934) gifte i Haram kyrkje 18.6.1920 Laura var frå
Kari-garden på Ulla. Severin var frå Jubb-stova i
Ullahammaren. Dei bygde seg hus på Håneset, den
såkalla Hånes-kyrkja, i 1923. Severin var los.
Dei hadde 6 barn: Solveig, Frøydis, Judith, Tordis, Kristian og Johan. |
