"Bryggjen" eller Elias-stova
som den seinare vart kalla, er eit av dei eldste husa på
Ullahammaren. Huset vart bygt i 1856 av Job Pederson
Ullahammer. Han var frå Brunvold på Harøya. I 1878 gjekk Job
konkurs, og han måtte flytte frå "Bryggjen". Han fekk då
bygsle tomt på Lars-garden sin eigedom i Ullahammaren, der
butikken står i dag, ved sida av Åkre-stova. Det er usikkert
når Elias Flem frå Remma på Flem kom til Ullahammaren og tok
over "Bryggjen". Dette huset vart så kalla Elias-stova etter
Remme-Elias. Elias gifte seg med Hansine Verpeide frå Davik
i Nordfjord i 1894, men Remme-Elias kom truleg til
Ullahammaren før dette. Det er ukjent kven som åtte
huset i første tida etter at Job gjekk konkurs i 1878.
Job Pederson Brunvold
Ullahammer (1809-1883)
Job var frå Brunvoll på Harøy. Han var frå den kjende
slekta etter Store-Rasmus.
Gift i 1847 med Petrine
Pedersdt. Ullahammer f. Lausund (1826-1912) Petrine
var frå Samund-garden på Lausund, Lepsøya.
Barn:
1.
Kristian Jobson
Ullahammer (1851-1917)
2.
Filop Martinus Jobson Ullahammer
(1853-1855)
3.
Filop Elias Jobson Ullahammer
(1856-1941)
4.
Johan Peter Jobson Ullahammer
(1858-1866)
5.
Petrine Marie Jobsdt. Lausund f.
Ullahammer (1861-)
6.
Olufine Jakobine Jobsdt.
Ullahammer (1863-1863)
7.
Olufine Gurine Jobsdt.
Ullahammer (1865- )
8.
Johan Kristian Jobson
Ullahammer (1868-1869)
I 1878 gjekk Job konkurs, og han
måtte flytte frå Elias-stova. Han fekk då bygsle ei tomt på
Lars-garden sin eigedom i Ullahammaren, der butikken står i
dag, ved sida av Losgarden (Åkre). Sjå om Jubb-stova på
denne Lenka
Ulike yrke på Ulla, 25 i talet Frå 1850 til om lag 1890 var det ei
svært aktiv tid på Ullahammaren. Nedanfor har eg lista opp
yrke på Ulla som vitnar om eit samfunn med variert og
nødvendig aktivitet for å utnytte dei ressursane som var
tilgjengeleg:
I samband med dette vil eg bruke bakar Andreas Olson
Ullahammer som eksempel og vitne om eit yrke som få visste
om eksisterte på Ulla. Andreas Olson Ullahammer
Gift med Torri nielsdt. Ullahammer
Barn:
1.
Ole Anton Ullahammer
(1861- ) fødd på Ullahammaren
Andreas og
Torri kom truleg til Ullahamaren etter at Job bygde seg
hus i storheitstida for Ullahammaren. Den 31. februar
1862 var det barnefødsel på "Bryggjen" (Elias-stova). Då fekk Torri og
Andreas Ullahammer ein son som heitte Ole Anton. Dei
budde truleg på "Bryggjen"
der Andreas hadde bakeriet sitt i kjellaren. Grua i
kjellaren vitnar om denne aktiviten. Elles veit eg ikkje
så mykje om bakarmeister Andreas Ullahammer bortsett frå
at familien flytta frå Ulla til Ålesund i 1863.
Elias var frå Remme-garden på
Flem. Etter at Job Pederson Brunvold gjekk konkurs i 1878,
vart "Bryggjen"
(Elias-stova) seld. Det er ukjent kven som kjøpte den.
Gift i 1894 med Hansine
Ellingsdt. Flem f. Verpeide (1871-1931) Hansine
var frå Davik i Nordfjord.
Elida Ingebjørg Mathiasd. Ulla f.
Langseth (1904-1997)
Elida
voks opp i Elias-stova på Ullahammaren. Elida var dotter
til Lina Hansdt. Langseth f. Flem (1882- ) frå
Remme-garden på Flem og Mathias Ingvald Petterson Langseth
(1879-1906) frå Vestrefjord. Mathias var kontorist hos O.
Nørve i Åesund. Dei mista både heim og arbeid då Ålesund
brann i 1904. Dei flytta då frå Ålesund til Kristiansund.
Som vi ser, døydde far til Elida då faren var berre 26
år. Elida var 2 år. Ho hadde to søstre, den yngste,
Inga, var berre 5 månader då faren døydde, den eldste,
Lilly, var 3 og eit halvt år gammal. Situasjonen vart
svært vanskeleg for Lina. Dei tre jentene vart oppfostra
hos slektningar. Elida fekk ein trygg heim hos Elias og
Hansine på Ullahammaren. Elias var bror til Lina frå
Remme-garden på Flem. Hansine var søster til Edvard
Ellingson Verpeide som budde i Ingebrigt-stova på
Ullahammaren. Lina flytte først tilbake til Vestrefjord,
og seinare til Remma på Flem.
Gift i 1922 med Johan
Petterson Ulla (1895-1967) Johan
var frå Sjur-garden på Ulla. Far til Johan heitte
Petter Olaus Hansson Ulla (1853-1937). Han var bonde i
Sjurgarden og los ved Ulla Losstasjon. Petter var gift
med Petrine Marie Nilsdt. Ulla f. Farstad (1867-1944).
Petrine var frå Nils-garden på Farstad, Lepsøy. Johan
og Elida flytta til Ålesund. Der dreiv Johan eit
oljelager i sentrum av Ålesund, inne på hamna.
Barn:
1.
Mathias Johanson Ulla
(1924-1944)
2.
Herdis Johansdt. Rosell f. Ulla
(1926-2016)
3.
Egil Johanson Ulla (1928-1994)
4.
Per Johanson Ulla (1930-2011)
Mathias
Johanson Ulla (1924-1944)
I sin ungdom var
Mathias fast målmann på fotball-laget på Ulla. Mathias
døydde 20 år gammal den 26.2.1944 under krigen i Narva,
Sovjetunionen
Herdis Johansdt. Rosell f. Ulla
(1926-2016)
Herdis
tok over Krogs-stova etter at Helga Ullahammer
(Krogs-Helga) døydde i 1965. Herdis var slekt med Helga på
den måten at mor til Helga, Kristine Hansdt. Ulla var
søster til Petter Hansson Ulla i Sjur-garden. Far til
Herdis var Johan Petterson Ulla som var søskenbarn til
Krogs-Helga. Ho hadde ikkje etterkomarar, men Ole Elias
Ullahamar (Krogs-Ole), seinare Mette-Ole var fosterbarn i
Krogs-stova.
Gift første gong i 1948 med
Olav Nøstvold Jensen frå Ålesund
Barn:
1.
Christina Nøstvold
Jensen (1951). Christina gift første gong i 1970 med
Joachim Steiner frå Tyskland. Gift andre gong i 1974
med Jim White frå USA. Det var ingen barn i ekteskapa.
Dei var seinare skilde. Christina vart kjæraste frå
2000 med Momy Sibony som er jøde.
Herdis vart gift andre gong
i 1955 med Axel Fredrik (Gugge) Rosell frå Sverige
(1905-1980)
Herdis
og Olav Nøstvold flytta til Sverige og dei fekk dottera
Christina i 1951. Herdis og Olav vart skilde medan dei
budde i Sverige, og Herdis gifte seg med Axel Fredrik
Rosell. Då dei vart pensjonistar, flytta dei til
Marbella i Spania. Det var i 1974. Christina vart med
til Marbella, og ho bur der framleis.
Trine
Ingebjørg Ulla (1961) og Ole-Jacob Velle (1958)
Trine
og Ole Jacob tok over Krogs-stova etter Herdis Rosell i
1999. Herdis var tante til Trine. Trine og
Ole-Jacob bur på Blommenholm i Oslo. Dei brukar
Krogs-stova som feriehus.
Egil
Halvdan Johanson Ulla (1928-1994) Egil tok over Elias-stova. Seinare
overtok Jan Trygve og kona Wenche Ulla. Søskena Eva og
Maria fekk bruksrett på Elias-stova. Trine tok over
Krogs-delen av Gamlestova i 1999.
Gift i 1955 med Liv Thon
Ulla (1931-2000) frå Ålesund.
Barn:
1.
Ingebjørg (1954-1954).
Ingebjørg døydde ein månad gammal.
2.
Jan Trygve Ulla (1955-2003), gift i
1977 med Wenche f. Iversen (1957) frå Ålesund. Wenche
bur i Bremen i Tyskland. Dei har to barn: Kristina
(1990) og Johanna (1995)
3.
Eva Ruth Ulla (1958) gift med Olav
Eivind Mortensen (1956) frå Drangedal. Dei bur i
Porsgrun. Dei har tre barn: Liv Mari
(1988), Eivind (1992) og Arne (1994)
4.
Trine Ingebjørg Ulla (1961) gift i 1993
med Ole Jacob Velle (1958) frå Oslo. Dei bur på
Blommenholm. Dei har to barn: Frida Kristin (1996) og
Ingebjørg (1998)
5.
Maria Bergljot Ulla (1963) sambuar med
Robert Nyquist (1964) frå Trollhattan. Dei har to
barn: Ingrid (1996) og Sara (1999). Skilt. Maria gift
igjen i 2012 med Bjørn Myrås Johansen (1962) frå
Fredrikstad. Dei bur i Bærum.
Per
Johanson Ulla (1930-2011) Per budde på Lerstad i Ålesund. Han
tok over Gamle-sjøbuda (Elias-buda), men han fekk ikkje
godkjenning til å setje den i stand. Det enda med at
sjøbuda vart rasert i ein storm i desember 1979. Den vart
ikkje sett oppatt på tomta.
Gift i 1956 med Margot
(Maie) Petrine Ulla f. Rørvik (1934-2022) frå
Margretegard, Rørvik, Vigra
Barn:
1.
Wenche Ulla (1958) gift
i 1979 med Bjørn Egil Leira (1956-2003). Dei har to
barn: Wibecke (1981) og Thomas (1982). Wenche har ny
parter Ronny Osvold (1958).
2.
Synnøve Ulla (1965) sambuar med Carl
Otto Pleym (1958). Dei har to barn: Charlotte (1990)
og Therese (1991). Synnøve er skilt. Ho har ny sambuar
Bernt Magne Buch (1958).
