ULLA



 Ullahammaren 1882

Startside
Presentasjon
Diktsamling
Stadnamn
Fiskebåtar
Ullahammar
Ulla-garden
Ulla-nausta
Vålen
Ulla fyr

Ulla skule
Kulturliv
Næringsliv
Samferdsel
Losar på Ulla
Dialekt



 









Naustrekkja på Ulla - restaurering i 2009

    Siste restaurering av nausta vart utført midt på 1990-talet etter orkanen i 1992. Men ver og vind tærer på bygningane, og særleg eitt av storbåtnausta, ihopenaustet til Sjur- og Ingeleiv-garden har hatt stort behov for vøling. Det var lekkasje på taket og mykje måtte skiftast ut av tro og lekter. Det andre som var viktig å få gjort, var istandsetjing av dørene på dette naustet og dei to nausta ved sida av, Mette-naustet og Mali-naustet.
    Nausta fekk midlar frå det offentlege til istandsetjing, og i slutten av oktober 2009 var arbeidet sett i gong. Dette var svært viktig før det skjer meir skade. Arbeidet vart leia av Martin Nystad frå Norddal og utført av eit arbeidslag frå Midsund. Men først og fremst takk til Guttorm Ulla som var drivkrafta i både denne restaureringa og den forrige på 1990-talet. Han seier det slik: Eg trur ikkje folk flest er klar over kor store kulturhistoriske verdiar som ligg i denne naustrekkja. Då kan du berre tenkje over dette: Det naustet som vart restaurert i 2009-2011, vart bygt i 1650. Det vil seie for 360 år sidan. Vi må berre bøye oss i støvet med respekt for geniale byggjemåtar, solide konstruksjonar og kvalitet på material som vart brukt. Det skulle berre mangle om vår ressurssterke generasjon ikkje skulle greie å ta vare på ein slik skatt. Men det blir ikkje av seg sjølv......

Alle foto: Knut Hallvard Ulla - oktober 2009





























Fullført restaurering av Ihopenaustet Sjur-Ingeleiv i 2011




Endeleg ferdig nytt tak på ihopenaustet Sjur/Ingeleiv (midt i bildet med opa dør)
Foto: Knut Hallvard Ulla - september 2011


Gå til toppen