Ullahammaren 1882

    Husa på Ingeleiv-garden
Bustadhuset på garden var 12,5 meter langt og 6 meter breitt, utan kjellar. Det var av tømmer, og  eitt av romma nede er det pålagt panel. Rommet som snur mot aust er 5,5 x 5 meter med tre glas i storstova. Kjøkenet er 4 x 3,5 meter. Gangen er 4 x 2 meter. Kammers 4 x 2,3 meter. Rommet mot vest 4,5 x 3 meter med eitt glas i veslestova
    Bustadhuset vart bygt i 1849. Det vart kjøpt på Vikebukt i Romsdal og bygt på ei branntomt på Ulla våren 1849. Mesteparten av det gamle klyngetunet på Ulla brann ned den våren. Berre eitt av dei 8 gardstuna stod over brannen, det var Kari-garden. Bustadhusa og uthusa på dei sju andre gardstuna vart bygd oppatt på same tomta som dei nedbrende husa.
    Ingeleiv-stabburet står nær attmed bustadhuset. Det vart bygt i 1881, med grunnflate 7,5 x 6 meter. Driftabygninga vart bygt i 1894. Den var 19 meter lang og 9,5 meter brei. Vidare ein gammal torvsjå og eit naust med plass til to færingar på 8 x 5 meter.
    Garden eigde også eit storbåtnaust i lag med ein nabo. Dette naustet er 19 x 6,5 meter med plass til to åttringar. Vidare var det ein sommarfjøs på Ullaholmen og eit kvernhus ved Ullaelva ved fjellfoten
    Nytt bustadhus vart bygt oppatt etter orkanen i 1992. Løa og bustadhuset vart rasert i nyttårsorkanen i 1992. Torvsjå og stabbur vart redda. Mette-huset er frå 1930 og stod stødig i nyttårsorkanen.