ULLA



 Ullahammaren 1882

Startside
Presentasjon
Diktsamling
Stadnamn
Fiskebåtar
Ullahammar
Ulla-garden
Ulla-nausta
Vålen
Ulla fyr
Ulla skule
Kulturliv
Næringsliv
Samferdsel
Losar på Ulla
Dialekt


 









Til havet

Musikkversjon ved Bendik Ulla - 2012.   Songen kan du spele av her

Melodi, flygel og vokal: Bendik Ulla. Vokal: Lene Beate Rønning.


Eg helsar deg storhav, min gamle kjenning,
kvar einaste flu, kvar båe, kvar brenning.
Eg kjenner dykk att frå so mang ein dag,
dei same skumande båredrag.

Eg helsar deg stormdag, du drivande myrke,
med fart i ditt flog og uvikande styrke.
Eg fylgjer kvar båre på vyrdlause veg,
utan å vika eit einaste steg.

Riv opp det som rotnar i lognande bukter.
Drag omsynslaust burt alt som skjemmer og luktar.
Å, treng deg inst inn i barmen min,
og vekk det som dormar og søv i mitt sinn.

Eg likar deg storhav slik som eg ser deg.
Fram på di voggande båra du ber meg.
Vegen din alltid open eg fann.
Alltid du rette meg venleg di hand.

Om stundom du sveik, vert du evig det same,
skaper kring heile mitt livsrom ei rame.
Og ein gong til sist når eg ligg i mi grav,
då kved meg eit kvad du storfelde hav.




Johan Bernt Ulla
Dette er fotografi av far min.
Han har laga teksten til "Til havet".



Gå til toppen